Mau Aga Nosirobu Soto,
Nitulisi Pura Longki
NASANA mami ane tona pabeta notuntuni Pilkada, hau tumai nituntuni nu wartawan nju. Mau aga hau nosirobu Soto Makassar nitulisi pura nu wartawan ri sura kabar.
Eva niulaya sura kabar kami hie Eo Arba naliu. Longki ante vega-vegana nasiromu nodambaka pabeta ante nangande soto singgani. Saeo hai vei, sema-sema madota mangade soto nikedei nggo, ledo nibayari. Mau tona ledo nompelisi Longki nidekei muni nangande.
Nodoi tano Gubernur baruta hie. Sohia nokampanye ruanggani mami tona sangata hie nipakande ante bakso gratis. Naupumo sohia, naliu hie soto vai. Dopa vai tambo nu Helikopter nipake no kampanye. Ane ledo masala vei, da lanana vei helikopter hai, lambimo patapulu juta sanggani nipake.
Pokonya kareba Longki naria nju. Kareba Paliudju ranga domo vai ria nitesa. Domo ranga nipeili nu wartawan iya. Nemo-nemo bara hau nompasiayu taluana mpu ranga Paliudju. Apa vesia pangulina sohia, ane rabeta iya, hau mopasiayu taluamo iya ante mopasiayu kola nubauna.
Kamba ranga ngena masugimo ngatata hie, mabosu pura tai ntodea. Apa dano kampanye nabosu puramo tai ntona, nemopa ngena mokainggumo Longki. INSYA ALLAH, ledo rabagiu kita. (TORIBOYA)
Tidak ada komentar:
Posting Komentar