Guru Kuraea, Nerapi Raeki
NIEPE miumo kareba nasaro niulaya ri sura kabar naliu hie? Naria hamai guru langgai “kakata” nerapi raeki guru mombine. Aga nambela kainggua nu guru vesia hai? Iyamo nompaguru anu nabelo, iyamo novia da. Nakura ea.
Guru hamai nompaguru ri SMA 5, pade ledo aga guru biasa, kapala sikola pangkana. Nompaka da ntoto, guru niperapira raeki hie guru mombine topo pakea ndoe bo nokudu. Bo kapala sikola kuraea hie muni to kapere. Anu pura vesia hai biasana nompaka gado ngata.
Pangulina ri sura kabar, iya nerapi raeki hai aga nongei-ngei. Ane rauli nongei, tantu aga risumbana nggo iya nerapi raeki. Hai ledo. Nipakarapana lenjena ante guru mpo kudu hai. Pade ledo aga sanggani, ruanggani mami iya nerapi raeki. Sabanamo hai ranga, naviora ranga guru mombine, pade neki antara panjili ante ana guruna. Saba nuvunga rarana hai muni ranga, domo nipakulena nesavi motoro mboto.
Anu hie ledo mamala rapalamba. Pa Wali raperapi mokainggu. Ane mamala ralinja hau ri kalino nu ngata hau guru “kakata” vesia hai. Ane ledo pepenontomo hau majadi guru. Domo nasipato mompatuduki ngana, apa karona mboto ledo namala nipangajarina. (TORIBOYA)
Tidak ada komentar:
Posting Komentar