Jumat, 15 April 2011

PALU EOEO....


Nosaka Japimo Pol PP

HIE kareba kakomiu topoevu rangata. Nompamulamo Pol PP nosaka japi nipopalai hamai ri dala Setia Budi. Jadi komiu topo patuvu japi, tovau bo bimba, tora-tora mamimo. Nemo ngena rasarumaka miu japi hau danangelo kandeana, tano mami niulaya nu oto Pol PP mo.
Japi nisaka gahai vei, aga nipasiromu bayangi. Kita tupu nu japi makava mboto merapi mangala japi. Tapi ledo agar ra ala bayangi ngena, naria muni saikide givuna. Jadi damo aga dea nu patuvu miu, ane madea mbana rasaka, madea muni givu ratambo miu.
Doi nu givu hai ngena, raposambeika doi nu pamarenta anu nialika kada dale nipakandeka japi. Jadi ledo aga nisaka nggomo japi, nipakande muni hamai. Naria muni vei jangkana japi nisaka hai. Ane masae ledo ra ala-ala, majadimo haku nu pamarenta.
Jadi belona, domo rapalamba patuvu miu mangelo kandeana mboto rangata. Nuapa munimo ranga rakandena rangata hie, ane ledo bunga ri doyata ntona, bata nu kayu ri bivi nu dala rakimbarina. Eva hamai ri Kampus Untad vei, domo ria rumpu nikavana, kartasa nikavana nikadena munimo.
Ane maria sarara hamai nonturo ri buluna, kenimo hau ra potuvura. Damo aga mojarita ante sarara, sakuya pombagina. Daripada aga movia urusa rangata. (TOPOLEDO)

1 komentar:

  1. Ane ivetu nabelo munimo itu, ala maria muni gunana Pol PP, geira rapajadimo topoevu, damo ratambo i walikota, daripada POL PP aga hau nombaraga-raga ina2 nobalu ri potomu.

    BalasHapus